نظم : خواہش 

نہیں ہم کو نہیں خواہش

کوئی لڑکی ہمیں چاہے

ہمیں سوچے، ہمیں پوجے

ہماری بات کو مانے

 

نہیں ہم کو نہیں خواہش

 

کہ ہم ناراض ہو جائیں

ہمیں آکر منائے وہ

منا پائے نہ گر ہم کو

تو کھانا بھی نہ کھائے وہ

 

نہیں ہم کو نہیں خواہش

 

مری ناراضگی لے کر

وہ گھر بھر سے پھرے لڑتی

وہ بن جائے فقیرن سی

جہاں بھر کی حسیں لڑکی

 

نہیں ہم کو نہیں خواہش

 

کسی کی لاڈلی بٹیا

کو اپنے عشق میں پھانسیں

پھر اس کی لُوٹ لیں عزت

پھر اس کی چھین لیں سانسیں

 

نہیں ہم کو  نہیں خواہش

کوئی لڑکی ہمیں چاہے

ہمیں سوچے ، ہمیں پوجے

ہماری بات کو مانے۔۔۔۔

 

محمد آصف میؤ

 

اُس کے دل کا جہان دیکھ لیا

ہم نے اپنا نشان دیکھ لیا

تیری مُسکان دیکھ لی جس نے

اس نے سارا جہان دیکھ لیا

اب نہ ہم سے چُھپا رُخِ روشن

ہم نے اے مہربان دیکھ لیا

اِس میں کوئی نہیں تمہارے سوا

تم نے دل کا مکان دیکھ لیا

اِس جہاں کی ہر ایک نعمت میں

تیرا جلوہ سبحان دیکھ لیا

اب کسی شے پہ بھی دھیان نہیں

تجھ پہ دے کر دھیان دیکھ لیا

ہم کو تجھ سا نہیں ملا کوئی

ہم نے سارا جہان دیکھ لیا

محمد آصف میؤ

 

آپ کر دو کرم کی نظر یا نبی

ہم بھی ہو جائیں گے معتبر یا نبی

 

محمد آصف میؤ

 

 بس کیجیے کب تک یوں دوپٹہ بھگوئیں گے

اس ایک شخص کے لئے چیخیں گے  روئیں گے

سب ٹوٹے ہوئے شاعروں کو مار ڈالیے

یہ ماتمی ، اداسیوں کا بیج بوئیں گے

ہم ہجر کے ماروں کو کہاں نیند میسر

ہم ہجر زدہ لوگ تو مر کر ہی سوئیں گے

جو لوگ ہیں دن رات مگن شعر گوئی میں

یہ لوگ نئی نسل کی کشتی ڈبوئیں گے

ہم کب تلک خوشیوں کو فراموش کریں گے

ہم کب تلک بچھڑے ہوئے لوگوں کو روئیں گے

ہم حضرتِ یعقوب کی سنت پہ چلیں گے

رو رو کے اپنی چشم کی بینائی کھوئیں گے

محمد آصف میؤ

ہر جگہ ہر گھڑی ہر پہر میں ہیں ہم

اک حسیں شاعرہ کے سحر میں ہیں ہم

 

عشق نے چند دن کی خوشی دی ہمیں

اب شب و روز غم کی لہر میں ہیں ہم

 

محمد آصف میؤ

مجھ کو میری محبت عطا کیجیئے

گر نہیں تو مجھے پھر فنا کیجیئے

 

    محمد آصف میؤ   

شغلِ تعلیم جسے بُھولنے کا حربہ ہے 

اُس کی یاد مجھے رات بھر جگاتی ہے 

 

محمد آصف میؤ

تم پہ گزری نہیں ہے یار تم نہ سمجھو گے 

"جان سے پیارا کوئی رُوٹھے تو کیا ہوتا ہے"

 

محمد آصفؔ میؤ

تُجھے ٹٹولتے ہیں لوگ میری غزلوں میں 

یہ بے وقوف مرے دل میں جھانکتے ہی نہیں

 

محمد آصف میؤ

بدلہ مانگے جو بھکاری نہیں کہتے اس کو 

بے وفا میری محبت کا صلہ دے مجھ کو 

‏ہزار سجدے سجاؤں گا میں تیرے در پہ

بس ایک بار میرا یار ملا دے مجھ کو

تمام عمر کبھی جام نہ اٹھاؤں گا 

بس ایک بار نگاہوں سے پلا دے مجھ کو

محمد آصف میؤ

تم مری زیست کا سامان نہیں ہو سکتی

تم مری زیست کا سامان نہیں ہو سکتی 

دوست ہو سکتی ہو پر جان نہیں ہو سکتی 

زندگی نام ہی دشواری و الجھن کا ہے 

زندگی ہے تو پھر آسان نہیں ہو سکتی

جس نے دیکھا ہے تمہیں ہنستے مسکراتے ہوئے 

اُس کی آنکھیں کبھی ویران نہیں ہو سکتی

تمہاری ہی عطا کردہ ہے یہ ژولیدہ حالی 

تم میرے حال پر حیران نہیں ہو سکتی

دل یہ ہر ایک حسینہ کو جگہ دیتا ہے

دل کی بستی کبھی سُنسان نہیں ہو سکتی

محمد آصف میؤ

ہم جنہیں من ہی من میں سوچ کے سنورتے ہیں 

دوستوں میں ہم ان کا ذکر کہاں کرتے ہیں 

ایک  وہ ہیں کہ نظر تک میں نہیں رکھتے ہمیں 

ایک ہم ہیں کہ انہیں اپنے دل میں رکھتے ہیں

ایک وہ ہیں کہ جنہیں قرب میسر ہے ترا 

ایک ہم ہیں کہ تری دید کو ترستے ہیں 

وہ جنہیں وصل میسر ہی نہیں آیا کبھی 

وہ بیچارے بھی جدائی کے ڈر سے ڈرتے ہیں

ہم ایسے لوگ کہاں تیرے دل کے قابل ہیں 

ہم ایسے لوگ تباہی کے لئے بنتے ہیں  

ہم  تو بس عشق لڑانے کے حق میں ہیں صاحِب

ہم کہاں ساتھ نبھانے کی بات کرتے ہیں 

وہ جنہیں  عشق کی بیماری لگی ہو آصف 

رات بھر سوتے نہیں کروٹیں بدلتے ہیں

 

محمد آصف میؤ

تیری آنکھوں کو پڑھ لیا جس نے 

وہ کہاں کیمیا کو پڑھتے ہیں ؟ 

ہم تجھے سوچ سوچ کے آصف 

روز اک بڑھیا غزل لکھتے ہیں 

 

محمد آصف میؤ

تم ہی تھی پہلی محبت میری 

اور تمہی آخری چاہت میری

زندگی لمبا سفر ہے اس میں 

تم کو پڑنی ہے ضرورت میری

سب تمہارے ہیں طرف دار یہاں 

کون سنتا ہے شکایت میری

پیار تو بھول گئی ہو لیکن 

یاد رکھو گی عداوت میری 

فاصلہ رکھو خدارا مجھ سے 

ورنہ ہو جائے گی عادت میری 

کوئی خوش بخت ہی ہوگا جس کو 

راس آئے گی محبت میری

محمد آصف میؤ

ہزار سجدے سجاؤں گا میں تیرے در پہ

بس ایک بار میرا یار ملا دے مجھ کو۔

محمد آصف میؤ

معلوم ہے وہ میرا مقدر نہیں ہے پر ۔۔

دل سے اُس ایک شخص کی خواہش نہیں جاتی

 

محمد آصف میؤ

دل سے اُس ایک شخص کی خواہش نہیں جاتی

 کچھ نا مُراد لمحوں کی رنجش نہیں جاتی 

آنکھوں سے انتظار کی بارش نہیں جاتی

اک ہم ہیں بِچھے جاتے ہیں قدموں میں تمہارے 

اک تم ہو کہ جناب کی نازش نہیں جاتی

معلوم ہے وہ میرا مقدر نہیں ہے پر ۔۔۔۔۔۔

دل سے اُس ایک شخص کی خواہش نہیں جاتی

تم جتنا احترام کرو جتنا پیار دو ۔۔۔۔۔۔۔

لہجے سے بد لحاظ کے شورش نہیں جاتی

اک بار یوں لگا کہ وہ محفل میں ہیں موجود 

تب سے مری نگاہ کی جنبش نہیں جاتی

بس اس خیال سے تری چاہت میں ہیں مگن 

کہ رائیگاں کسی کی بھی کوشش نہیں جاتی

کتنوں کو مرے سامنے برباد کیا پر ۔۔۔۔۔

پھر بھی ہماری عشق کی خارش نہیں جاتی

 

محمد آصف میؤ

تم مری زیست کا سامان نہیں ہو سکتی

دوست ہو سکتی ہو پر جان نہیں ہو سکتی

جس نے دیکھا ہے تمہیں ہنستے مسکراتے ہوئے

اُس کی آنکھیں کبھی ویران نہیں ہو سکتی

محمد آصف میؤ

رُخ سجا لے تو کیا قیامت ہو

پھر چھپا لے تو کیا قیامت ہو

پر کشش اور حسیں لوگوں کے

دل ہوں کالے تو کیا قیامت ہو

جان سوزی سے روکنے والا

زہر کھا لے تو کیا قیامت ہو

ہم سے کچی عمر کے عاشق کو

ہجر آلے تو کیا قیامت ہو

غم کو شعروں میں ڈھالنے والا

غم چھپا لے تو کیا قیامت ہو

گاؤں کا لڑکا شہری لڑکی سے

دل لگا لے تو کیا قیامت ہو

کوئی خود اپنی آستینوں میں

سانپ پالے تو کیا قیامت ہو

کوئی شاہ زادی ہمارے دل میں

گھر بنا لے تو کیا قیامت ہو

کوئی لڑکی مری محبت میں

خوں بہا لے تو کیا قیامت ہو

اپنے بابا کے سر کی پگڑی کو

روند ڈالے تو کیا قیامت ہو

 

 

محمد آصف میؤ

 

ایک پیپل کی ٹھنڈی چھاؤں میں

پیار بستا ہے میرے گاؤں میں

جو سکوں ہے ہمارے گاؤں میں

وہ کہاں شہر کی فضاؤں میں

ماں کے آنچل  کی ٹھنڈی چھاؤں میں

میری جنت ہے ماں کے پاؤں میں

جب مرے سامنے وہ آتی ہے

اڑنے لگتا ہوں میں ہواؤں میں

دل لگی کھیل بے وفاؤں کا

عشق مقبول باوفاؤں میں

ایک معصوم سی خواہش ہے مری

وہ کبھی آئے میرے گاؤں میں

اپنی غزلوں کی بناؤں پائل

اور پہنا دوں اسکے پاؤں میں

 

محمد آصف میؤ

وہ ایک لڑکی

 وہ ایک لڑکی کہ جسکی آنکھوں 

میں جگنوؤں سی چمک ہے یارو 

اُفق پہ بارش کے بعد پڑتی

 وہ سات رنگی دھنک ہے یارو 

ہمارے دل میں وہ ایک لڑکی

 گزشتہ سالوں سے بس رہی ہے

کہ یاد اس کی ہمارے جیون

 کو لمحے لمحے میں ڈس رہی ہے

وہ ایک لڑکی کے جسکی صورت

 کو میری آنکھیں ترس رہی ہیں

وہی تو ہے وہ کہ جس کے غم میں 

ہماری آنکھیں برس رہی ہیں

وہ ایک لڑکی جو میری خواہش

 ہے میری حسرت ہے میری چاہت 

وہ ایک لڑکی کہ جس کو دیکھے

 سے میرے دل کو ہے ملتی راحت

وہ ایک لڑکی کہ جس کو دیکھے سے

 میرے دل کو قرار آئے 

وہ ایک لڑکی کہ جس کی ہر اک

 ادا پہ آصف کو پیار آئے

وہ ایک لڑکی کہ شہرِ قائد میں

 جس کا گھر ہے 

وہ لڑکی مجھ کو

 جہان بھر سے عزیز تر ہے

وہ لڑکی مجھ کو

 جہان بھر سے عزیز تر ہے

محمد آصف میؤ

مری تحریروں میں غزلوں میں بسی ہے یارو 
میرے جیون میں فقط اُس کی کمی ہے یارو

 

وہ فقط لڑکی نہیں ہے میں کیسے سمجھاؤں

وہ میرے درد کی دوا ہے خوشی یے یارو

 

محمد آصف میؤ

 میں تھا کل تک تری دعاؤں میں 

آج شامل ہوں بے وفاؤں میں 

جا رہا ہوں میں تیری دنیا سے 

یاد رکھنا مجھے دعاؤں میں

تم نہیں آئے میرے حصّے میں 

نقص تھا کچھ مری دعاؤں میں 

جب مرے سامنے وہ آتی تھی 

اُڑنے لگتا تھا میں ہواؤں میں 

میں نے بے وجہ دل نہیں ہارا 

کچھ تو تھا آپ کی اداؤں میں

ایک معصوم سی خواہش ہے مری 

تم کبھی آؤ میرے گاؤں میں 

میں خوشی سے دیوانہ ہو جاؤں 

دل بِچھاؤں تمہارے پاؤں میں 

آپ فائز وفا کی کرسی پر 

اور  مرا ذکر بے وفاؤں میں

ہم تو رندوں کے رند ہیں آصف

نہ گِنو ہم کو پارساؤں میں

محمد آصف میؤ

 محبتوں کے عذاب دیکھو

یہ چاہتوں کے سراب دیکھو 

کہ اپنا رشتہ ہے چند دنوں کا 

نہ زندگی بھر کے خواب دیکھو

تمہاری باتوں سے بن گیا ہے 

مرے جگر کا کباب دیکھو

محمد آصف میؤ

 یوں اشکوں میں سارے غم بہانا بھی پیار ہے کیا 

کسی کی خاطر جہاں بھلانا بھی پیار ہے کیا

کہ یاد کرنا یا یاد آنا بھی پیار ہے کیا 

کسی کے میسج پہ مُسکرانا بھی پیار ہے کیا

یہ ایک دوجے کو کنکھیوں سے جو دیکھتے ہیں 

کہیں پہ نظریں کہیں نشانہ بھی پیار ہے کیا

محمد آصف میؤ

 اس نے پوچھا تھا اور کتنی ہیں میرے جیسی

بس اس کے بعد کبھی بات نہیں کی اُس سے

محمد آصف میؤ

 سب کو شاہ زادیوں سے مطلب ہے 

بھاڑ میں جائے فاقہ کش لڑکی

محمد آصف میؤ

 جنوں ہی نہ رہا جب شاعری کہاں سے ہو 

ترے بغیر مری جاں خوشی کہاں سے ہو

تم میرے منہ پہ ہی میرے ہو پیٹھ پیچھے نہیں 

ایسے میں تم سے بھلا دوستی کہاں سے ہو

سراپا حسن ہو لگتی ہو ملکہ پریوں کی 

بلا کی خوبصورت ہو اجی کہاں سے ہو

میرے نزدیک تو خود سوز بہادر ہیں بہت

وگرنہ بزدلوں سے خود کشی کہاں سے ہو

جب دوست ہی دشمن ہوں آپ کے صاحب 

پھر بھلا دشمنوں سے دشمنی کہاں سے ہو

محمد آصف میؤ

 فقط تیری آواز سننے کی خاطر 

مرے کان برسوں سے ترسے ہوئے ہیں

محمد آصف میؤ

 دِل میں باتیں تھی جو چھپی ساری 

رہتے رہتے وہ رہ گئی ساری 

تُو جو آ جائے زندگی میں مِری 

پوری ہو جائے گی کمی ساری 

تیری مُسکان سے جاتی رہے گی 

یہ جو آنکھوں میں ہے نمی ساری 

تُو وجہ ہے ہمارے جینے کی 

تجھ سے وابستہ ہے خوشی ساری 

ادھورے شعر بے تُکی غزلیں 

اپنی پونجی ہے بس یہی ساری

 

اب بھی کرنے کو بہت باتیں ہیں 

ہم نے دِل کی نہیں کہی ساری 

جانِ جاں تیرے حسیں چہرے پر 

وار دوں اپنی زندگی ساری

محمد آصفؔ میؤ

غزلیں سنتی ہو شعر پڑھتی ہو

غزلیں سنتی ہو شعر پڑھتی ہو 

تم بہت دل پذیر لڑکی ہو 

تم مرے ہوتے ہوئے ماہ جبیں 

آئینہ دیکھ کر سنورتی ہو؟

مجھ کو عادت ہے بھول جانے کی 

کیوں مری عادتوں سے ڈرتی ہو؟

میں بھلا کیسے بُھلا دوں تم کو 

تم مری دھڑکنوں میں بستی ہو

میں بھی نصرت فتح کو سنتا ہوں 

تم بھی نصرت فتح کو سنتی ہو

کس قدر بےوقوف ہو تم بھی 

میری معصومیت پہ مرتی ہو 

مجھ سے ملنے کو روز آیا کرو 

تم مرے دل کو بھلی لگتی ہو

چین مجھ کو بھی نہیں پر تم بھی 

رات بھر کروٹیں بدلتی ہو

مجھ کو تم سے یہ پوچھنا  ہے فقط 

اب بھی تم مجھ کو یاد کرتی ہو ؟ 

کیا ہتھیلی پہ اب بھی مہندی سے 

اپنے آصف کا نام لکھتی ہو

محمد آصف میؤ

 جس پہ گزرے ہے وہی جانے ہے 

سننے والے تو مزے لیتے ہیں 

حالِ دل کہہ تو دوں کسی سے مگر 

لوگ بدنام کئے دیتے ہیں

محمد آصف میؤ

 جانے کا وقت اب ہوا چاہتا ہے یہاں سے 

آ جاؤ اب تو باز میاں عشقِ بتاں سے

پڑھنے دو ابھی ایک دو مشاعرے مجھے

جانیں گے مجھے سب میرے اندازِ بیاں سے

مانا کے تیرے حسن کے دیوانے ہیں بہت

لاؤ گے مجھ سے چاہنے والے کو کہاں سے

میں مار کر ملے تیرے دل میں جگہ اگر 

ہم بے ٹھکانہ اچھے میاں ایسے مکاں سے

اب دیکھنا چاہتے ہیں ہم وہ دوسرا جہاں 

بیزار ہو گئے بہت اس ارض و سماں سے

جو کاروبارِ عشق میں پڑ جائے ایک بار 

کچھ اس کو نہیں واسطہ پھر سودوزیاں سے

ہر گز نہیں ہو سکتی میری اُس سے دوستی 

جس کو نہیں ہے پیار میری اردو زباں سے

محمد آصفؔ میؤ

آپ کب تک ہمیں بہلائیں گے 

ہم تو اکثر اداس رہتے ہیں 

آپ مر جائیں یہی بہتر ہے 

کس لئے اتنے درد سہتے ہیں 

وہ لڑکی جان ہے چاہت ہے مری 

علی الاعلان سب سے کہتے ہیں

محمد آصفؔ میؤ

 تا دمِ مرگ تجھے دل میں بسائے رکھا 

اور دنیا سے تیرا عشق چھُپائے رکھا 

مجھ کو ہونے دیا کسی کا نہ خود میرا ہوا 

زندگی بھر مجھے دیوانہ بنائے رکھا

لذتِ وصل سے واقف نہ ہوئے ساری عمر 

ذائقہ ہجر کا بس مجھ کو چکھائے رکھا

آنے پایا نہ میرے دل میں کوئی تیرے بعد 

مسندِ دل پہ فقط تجھ کو بٹھائے رکھا 

دورِ فرقت میں میسر نہیں تھا جب تو ہمیں  

تیری تصویر سے ہی کام چلائے رکھا

ہم ترستے رہے اک نظرِ کرم کو تیری 

تو نے جامِ نظر غیروں کو پلائے رکھا

محمد آصفؔ میؤ

 تجھے سننا چاہوں ہر دم تجھے دیکھوں میں مسلسل 

میرا خوں نچوڑتا ہے تیرے ربط میں تعطُّل

کبھی بن کہے ہی سننا میرا حالِ دل سمجھنا

کبھی سن کے بھی نہ سننا ارے واہ تیرا تجاہل

مجھے دیکھ کر بھی جو تم یوں بنو کہ نہیں دیکھا

تمہیں زیب ہے کیا جاناں بھلا اس قدر تغافل

تو گیا ہے جب سے دلبر میرا لگ نہیں رہا دل 

یہ دنوں میں بھی دکھی ہے اور شب میں بھی بیاکل

وہ یہ بولی بن سنور کے کہ میں کیسی لگ رہی ہوں 

میں یہ بولا جان میری نہیں تیرا کچھ تقابُل

اک غم سے جان چھُوٹے تو تیّار دوسرا ہے

میری زندگی میں آصفؔ ہے غموں کا اک تسلسل

محمد آصفؔ میؤ

 یہ بارِ غمِ عشق اٹھایا نہ جائے گا 

تم رُوٹھے اگر ہم سے منایا نہ جائے گا 

تم خود ہی آکے دیکھ لو حالِ مریضِ عشق 

قاصد سے میرا حال سنایا نہ جائے گا 

سب ایک بار سن لیں میرا شعر غور سے 

دوبارہ کسی کو بھی سنایا نہ جائے گا 

چہرے سے عیاں ہوتا ہے جاناں تمہارا غم 

ہم سے تمہارا ہجر چھپایا نہ جائے گا 

جو ایک بار بیٹھ گیا مسندِ دل پر 

تاحشر اسے دل سے اتارا نہ جائے گا 

رد ہو گئی جو اب کے بھی درخواست ہماری 

ہم سے دوبارہ رب کو پکارا نہ جائے گا

جو مانگنا ہے دل سے مانگ اپنے خدا سے 

یہ مانگنا تمہارا نکارہ نہ جائے گا

آپ ائیے ہمارا مقدر سنوارئیے  

ہم سے تو کسی طور سنوارا نہ جائے گا

آصفؔ جسے یہ عاشقی کا روگ لگ گیا 

ماہر طبیب سے بھی بچایا نہ جائے گا

محمد آصفؔ میؤ

تم سے شادی کی کوئی صورت نہیں اے جانِ جاں 

تم بھی اب اس خیال کو رکھو نہ اپنے دھیان میں 

جو مری دلہن بنے گی ایک دن مر جائے گی 

تم امر ہو جاؤ گی جانم مرے دیوان میں

محمد آصف میؤ

 جن راستوں پہ اُس کے قدم تھے پڑے کبھی 

جُوتے اُتار کر میں گزرتا ہوں وہاں سے

جب کی ہے ہے محبت تو کیوں دنیا سے چھپاؤں
ہاں مجھ کو محبت ہے فلاں بنتِ فلاں سے

سب کہتے ہیں اس کو بھی بہت پیار ہے مجھ سے
لیکن میں سننا چاہتا ہوں خود اس کی زباں سے

محمد آصفؔ میؤ

محمد آصف میؤ

 نگاہ اٹھا کے وہ محفل میں جب سلام کرے

ہوش والوں کی مدہوشی کا انتظام کرے

ہر ایک شخص کو نسبت بتانی پڑتی ہے
کون پاگل تمہارے شہر میں قیام کرے

ایک خواہش ہے میرے دل میں کہ وہ مہ جبیں
ملا کے نظر کبھی مجھ سے بھی کلام کرے

وہ رخ سے زلفیں ہٹا لے تو روشنی پھُوٹے
رخ پہ ڈالے اگر زلفیں تو دن کو شام کرے

خیالِ یار سے اک پل بھی جب نہیں غافل
کوئی دیوانہ بھلا کس پہر آرام کرے
محمد آصفؔ میؤ