محبت ہے تڑپ میری

 محبت ہے تڑپ میری ، تڑپ میری محبت ہے 

مصیبت ہے محبت بھی ، محبت بھی مصیبت ہے

میں تجھ بن رہ نہیں سکتا میں تجھ بن جی نہیں سکتا

ضرورت ہے تو ہی میری ، تو ہی میری ضرورت ہے

نہیں ممکن سبھی خوش ہوں تیری میری محبت سے 

بغاوت ہے محبت تو ، محبت تو بغاوت ہے

تجھی کو سوچتے رہنا تجھی کو دیکھتے رہنا 

عبادت ہے یہی میری ، یہی میری عبادت ہے

سزا ہم کو سنائے گا زمانہ اس محبت کی

عدالت ہے زمانہ یہ ، زمانہ یہ عدالت ہے

محمد آصفٓ میؤ